سه‌رۆكی ئه‌نجومه‌نی به‌ڕێوه‌بردنی گروپی كۆمپانیاكانی فاروق، ئه‌مرۆ دووشه‌ممه، پرۆژه‌یه‌كی گه‌وره‌ی ستراتیجی ڕاده‌گه‌یه‌نێت. وابڕیاره ئه‌مرۆ كاتژمێر 11 له كاتی مه‌راسیمی دانانی به‌ردی بناغه‌ی بینای بازرگانی "ده‌روازه‌ی به‌كره‌جۆ" فاروقی مه‌لا مسته‌فا سه‌رۆكی ئه‌نجومه‌نی به‌رێوه‌بردنی گروپی كۆمپانیاكانی فاروق، پرۆژه‌یه‌كی گه‌وره ڕابگه‌یه‌نێت. به‌پێی زانیارییه‌كانی سایت و ڕادێۆی خه‌ندان، ئەو پرۆژه‌یەی ئەمڕۆ لە مەڕاسیمەکەدا ڕایدەگەیەنێت زیاتر له ملیارێک و 200 ملێۆن دۆلاری تێده‌چێت. له ناوچه‌ی دوكانی گه‌شتووگوزاری ئه‌نجامده‌درێت. وابڕیاره ئه‌مرۆ له‌كاتی مه‌راسیمی دانانی به‌ردی بناغه‌ی بینای "ده‌روازه‌ی به‌كره‌جۆ"ی بازرگانی فاروقی مه‌لا مسته‌فا ورده‌كاری له‌سه‌ر پرۆژه‌كه بۆ كه‌ناڵه‌كانی ڕاگه‌یاندن ئاشكرا بكات. www.xendan.org